Siðareglur FHR
Siðareglur Félags heilbrigðisritara
- Heilbrigðisritari rækir störf sín af alúð, samviskusemi, trúmennsku og án þess að fara í manngreiningarálit.
- Heilbrigðisritari skal sýna öllum þeim sem hann umgengst vegna starfa sinna virðingu og sinna störfum sínum af árvekni og trúmennsku og í samræmi við faglegar kröfur sem gerðar eru á hverjum tíma.
- Heilbrigðisritari vinnur í nánu sambandi við skjólstæðinga og aðstandendur og virðir skoðanir og þarfir þeirra við mismunandi aðstæður.
- Heilbrigðisritari leggur ríka áherslu á í starfi sínu að leiðbeina og aðstoða eftir þörfum alla þá er þurfa á aðstoð að halda.
- Heilbrigðisritara ber að þekkja skyldur sínar, viðhalda þekkingu sinni og faglegri færni, eins og kostur gefst.
- Heilbrigðisritari gætir virðingar stéttar sinnar innan sem utan vinnustaðar.
- Heilbrigðisritari stuðlar að góðu samstarfi innan stéttar sinnar og tekur þátt í félagsstarfi sem vinnur að bættum hag hennar.
- Heilbrigðisritari stuðlar að samvinnu við aðrar stéttir innan sem utan vinnustaðar.
- Heilbrigðisritari gætir fyllstu þagmælsku um þau mál sem hann kann að verða áskynja um í starfi sínu.
- Heilbrigðisritari skal virða þagnarskylduna jafnt í starfi og utan þess.